Gipaambit ni Bicol Saro partylist Rep. Terry Ridon nga moabot na sa 215 ka kongresista ang andam mobotar pabor sa impeachment batok kang Vice President Sara Duterte, base sa ilang konsultasyon sa Kamara.
Kini nga ihap parehas sa mga mipirma sa unang impeachment complaint niadtong Pebrero 2025, nga sa ulahi gideklarar sa Korte Suprema nga unconstitutional tungod sa kakulang sa due process.
Niining higayona, kumpiyansa si Ridon nga ma-endorso sa Senado ang Articles of Impeachment tungod kay milapas na kini sa 106 ka boto nga minimum requirement aron mapasa ang kaso.
Base sa report sa House Committee on Justice, nakit-an sa komite ang probable cause kalabot sa mga alegasyon sa misuse sa confidential funds nga miabot sa ₱612.5 milyon, lakip ang ₱448 milyon nga gipabalik sa Bise Presidente.
Gituki usab ang giingong ₱6.7 bilyon nga transaksyon nga konektado sa pamilya Duterte-Carpio, apil ang mga testimonya mahitungod sa mga hulga batok sa pipila ka opisyal sa gobyerno.
Gilauman nga sa Mayo 11, 2026 ipahigayon ang botohan sa plenaryo sa Kamara.
Kung maaprubahan, ipadala dayon kini sa Senado nga mao ang molihok isip impeachment court.
Target sa mga mambabalaod nga mapasa ang kaso ngadto sa Senado sulod sa duha ka semana aron masugdan ang pagdunggog.
