GENSAN- Gibutyag ni Luisa Milone, Bombo International Correspondent sa USA, nga ang posibleng motibo sa pagpamusil sa usa ka armadong lalaki atol sa White House Correspondents’ Dinner ning adlawa, Domingo oras sa Pilipinas, kon asa anaa si U.S. President Donald Trump ug ubang mga opisyal sa maong nasud, mahimong may kalabotan sa mga lakang ug polisiya ni Trump nga nagmugna og kusog nga reaksyon gikan sa pipila ka sektor.
Sumala kang Milone, daghan ang wala mouyon sa direksyon sa administrasyon, ilabi na sa mga isyu sa immigration ug seguridad, nga posibleng nakahatag og tensyon ug hulga batok sa pangulo.
Bisan pa niini, iyang gipahayag nga alang kaniya, epektibo ug lig-on nga lider si Trump tungod sa iyang determinasyon nga protektahan ang interes sa American citizens ug pagpatuman sa kaayohan sa nasud.
Gikumpirma usab nga luwas ang presidente ug ang First Lady human sa insidente, samtang usa ka miyembro sa Secret Service ang naigo apan naluwas tungod sa protective gear.
Sa karon, anaa na sa kustodiya sa mga awtoridad ang suspek ug padayon ang imbestigasyon, samtang gilauman nga mas hugtan pa ang seguridad sa mga high-profile nga kalihokan sa gobyerno
