GENSAN– Dili pabor si Atty. Xavier Bayan sa hingpit nga pagdili sa mga 15-anyos paubos sa paggamit og social media tungod kay gikinahanglan kini sa eskwela ug sa adlaw-adlaw nga kinabuhi.
Nasayran nga giduso ni Senador Sherwin Gatchalian ang usa ka balaodnon nga magdili sa mga bata nga ubos sa 16 anyos sa paggamit sa social media sa Pilipinas.
Ubos sa Senate Bill No. 2066 o ang Social Media Safety for Children Act, gidili ang mga menor de edad sa pagparehistro, pag-access, o pagmentinar sa mga account sa bisan unsang social media platform.
Gibutyag ni Atty. Bayan na uyon siya nga idili ang mga platforms nga dili angay sa mga bata sama sa pornographic sites.
Nagtuo kini nga ang mga 15-anyos aduna nay igong panlantaw, busa mas maayo nga ang limitasyon ipatuman lamang sa mas bata pa (12 ngadto sa 13-anyos paubos)
Nasayran na base sa giduso nga balaodnon ni Senator Gatchalian, nagtumong kini sa pagpanalipod sa mga bata gikan sa mga potensyal nga peligro sa ‘digital world’ lakip ang mental, moral, ug sosyal nga mga epekto sa sobra nga paggamit sa social media.
