-- ADVERTISEMENT --
Gibasura sa National Electrification Administration (NEA) ug SOCOTECO II ang proposal sa Meralco alang sa power partnership tungod sa dili pagsunod niini sa Partnership Framework for Capital Investment.
Sumala sa NEA, ang proposal walay klarong partisipasyon sa SOCOTECO II, adunay corporatization plan nga dili uyon sa framework, ug kulang sa lig-on nga commitment sa CAPEX. Busa, gi-deklarar nga failed ang proposal.
Samtang, gidawat sa NEA “in principle” ang proposal sa Ignite apan padayon pa kini sa negosasyon. Giingon usab nga ang bisan unsang final agreement kinahanglan mosunod sa approved guidelines sa investment framework.
Gimanduan ang SOCOTECO II nga magpadayon sa regular nga pagreport sa NEA sa mga lakang alang sa partnership.
