GENSAN- Napasaka na ang kasong murder batok sa suspek nga mipatay sa usa ka trabahante sa fishpond sa Purok 5A Brgy.Katanggawan ning dakbayan.
Matud ni Police Major Robert Fores, hepe ng Tinagacan Police Station naa sa ilang kustodiya ang suspek nga si Darwin Dawang human kini nasikop didto sa Jose Abad Santos sa ilang hot pursuit operation kauban ang kapulisan sa nahisgutang lugar.
Gibutyag ni Fores nga ginahikay na nila ang mga dokumento aron matugyan na ang suspek sa Lanton Reformatory Center.
Gisaysay sa suspek kaniya ang nahitabong krimen kung asa self defense lamang matud pa ang gihimo sa suspek human nga napatay niya ang biktima nga si Bilmar Marcos Danieles.
Samtang natulog, mikalit matod pa og sipa kaniya ang biktima hinungdan nga gihimo lang niya ang pagdepensa sa iyang kaugalingon nga misangko sa kamatayon sa biktima. Nasayran nga adunay lalom nga samad sa liog ang biktima dihang nakaplagan sa fispond.
