Nagpakita og minor Strombolian activity ang Mayon Volcano gainang sayo sa kabuntagon sa Domingo, Abril 5, samtang nagpadayon ang effusive eruption niini sulod na sa ika-89 ka sunod-sunod nga adlaw, sumala sa Philippine Institute of Volcanology and Seismology.
Base sa monitoring sa Mayon Volcano Observatory sa Legazpi City, natala ang maong aktibidad gikan alas 12:32 hangtod alas 12:39 sa kaadlawon ug nakita usab sa time-lapse footage nga gipagawas sa opisyal nga X account sa PHIVOLCS, diin ang Strombolian activity usa ka klase sa pagbuga sa bulkan nga nagpagawas og gagmayng pagsabog sa lava, gas ug bato imbes kusog nga eksplosyon, nga usahay moporma og gagmayng lava fountains nga mubalik ra sa palibot sa crater.
Padayon usab ang pag-agos sa nagasiga nga lava, pyroclastic density currents o “uson,” ug rockfalls samtang nagasaka gihapon ang magma gikan sa crater, ug nagpabilin sa Alert Level 3 ang bulkan nga nagpasabot og taas nga lebel sa kalihokan, busa hugot gihapon nga gidili ang pagsulod sa 6-kilometrong Permanent Danger Zone tungod sa hulga sa kalit nga pagsabog ug uban pang peligro.
