Nadaog ni Emmanuel “Jimuel” Pacquiao Jr. ang iyang unang propesyonal nga titulo sa boksing human niya gi-knockout ang Amerikanong boksidor nga si Darrick Gates sa ikaduhang hugna sa usa ka 4-round lightweight fight niining Sabado (oras sa Manila) sa Pechanga Resort and Casino sa California, USA.
Human sa usa ka hugot nga unang hugna, miatake dayon si Pacquiao sa ikaduhang hugna.
Naka-igo siya og sunod-sunod nga mga sumbag, nga natapos sa usa ka hook, nga nakapatumba kang Gates.
Si Gates, usa usab ka bare-knuckle fighter, nakabangon sa wala pa matapos ang 10-count sa referee, apan natumba pag-usab sa usa ka body shot.
Niining higayona, gipahunong sa referee ang away human sa usa ka minuto ug 34 segundos sa ikaduhang hugna ug gideklarar si Jimuel Pacquiao nga mananaog pinaagi sa Technical Knockout (TKO).
Ang batan-ong Pacquiao karon adunay rekord nga 1 win-0 loss-1 draw.
