Gikumpirma sa Diocesan Shrine and Parish of San Miguel Arcangel sa San Miguel, Bulacan nga gikawat ang mga sagrado nga butang sa ilang patron, nga nadiskubrehan nga nawala karong buntaga, Sabado Santo, Abril 4.
Lakip sa mga gikawat mao ang usa ka pako, taming, bangkaw ug espada, nga pulos hinimo sa pilak.
Sumala sa parokya, kini nga mga butang simbolo sa debosyon sa mga tawo sa San Miguel ug kabahin sa kasaysayan ug pagtuo sa mga tawo sa San Miguel nga dili matupngan sa bisan unsang presyo.
Bahin niini, ang Kura Paroko ug Bikaryo sa Parokya nanawagan sa naghupot sa mga sagrado nga butang nga ibalik kini sa Simbahan ug respetuhon ang ilang kabalaan.
Giawhag usab ang publiko nga ipahibalo ang opisina sa parokya ug ang San Miguel Police Station sa impormasyon aron ang nawala nga mga bililhong butang sa patron sa simbahan mabalik.
