-- ADVERTISEMENT --
Sayo pa lang sa kabuntagon, gisugdan na sa Police Regional Office(PRO)12 ang Station of the Cross isip kabahin sa pag-obserba sa Semana Santa.
Ang maong espirituhanong kalihokan aktibong gitambongan sa mga kapulisan aron mag-ampo ug magpamalandong sa sakripisyo ni Hesukristo.
Sa maong prusisyon, nakita ang presensya ni Regional Director PBGEN Arnold P. Ardiente uban ni City Director PCol. Nicomedes Olaivar Jr.
Sumala sa PRO12, tumong sa kalihokan ang pagpalig-on sa espirituhanong pundasyon sa mga pulis ilabi na karong Semana Santa, samtang nagpadayon usab sila sa pagpaniguro sa kalinaw ug kahapsay sa rehiyon atol sa selebrasyon.
