-- ADVERTISEMENT --
Anaa ang Philippine National Police (PNP) sa heightened alert aron masiguro ang kaluwasan sa tibuok nasud atol sa pagsaulog sa Semana Santa.
Sumala sa tigpamaba sa PNP nga si Brig. Gen. Randulf Tuaño, ang alert status nagsugod niadtong Domingo sa Palma, Marso 29, ug molungtad hangtod Abril 6.
Samtang, hapit 60,000 ka mga pulis ug force multipliers ang gipadala sa mga lugar nga daghang tawo sa tibuok nasud sama sa mga terminal, transport hubs, simbahan, ug mga destinasyon sa turista.
Gikataho nga gimando usab ni PNP Chief Gen. Jose Melencio Nartatez Jr. ang pagsiguro sa police visibility, pagtukod og mga assistance desk, ug padayon nga koordinasyon sa mga lokal nga gobyerno alang sa kaluwasan sa publiko.
