Gibutang sa Civil Aviation Authority of the Philippines (CAAP) ang tanan nilang mga tugpahanan sa heightened alert tungod kay gilauman niini ang 550,000 ka mga pasahero karong Semana Santa.
Sumala sa ahensya, gilauman nila ang 7% hangtod 10% nga pagtaas sa trapiko sa mga pasahero kon itandi sa 505,511 nga natala sa miaging tuig.
Ubos sa heightened alert, ang tanan nga mga tagdumala sa lugar ug tugpahanan gimandoan sa pagpatuman sa mas taas nga mga lakang sa kahandaan sa operasyon, lakip ang dugang nga pagpadala sa mga personahe, mas hugot nga seguridad, ug padayon nga pagmonitor sa mga lihok sa mga pasahero.
Gipahinumdoman usab sa CAAP ang mga pasahero nga moabot sa tugpahanan labing menos duha hangtod tulo ka oras sa dili pa ang ilang naka-eskedyul nga paglupad.
