Gipadayon sa 98-anyos nga si Maggie Kennedy sa Jensen Beach, Florida ang iyang kadasig sa pagdula og billiards ug padulong na usab siya sa usa ka torneyo sa Las Vegas.
Nailhan siya isip pinakatigulang nga Competitive pool player sa kalibotan sa edad nga 94 sumala sa Guinness World Records niadtong 2021, ug karon kauban niya ang iyang team nga Sunday Funday sa pag-apil sa BCA Nationals Pool League Tournament.
Matod niya, matag adlaw sila magdula gikan Miyerkules hangtod Domingo, ug malipay usab siya sa paglingaw sa mga slot machine.
Daghang makigdula kaniya ang matingala sa iyang kahusayan, apan giingon ni Kennedy nga nahigugma lang gyud siya sa duwa.
Dako usab ang iyang pasalamat sa lokal nga komunidad sa Raxx Billiards nga naghatag og $2,000 aron makalupad siya paingon Las Vegas sa first-class.
Gipasidunggan niya ang iyang maayong panglawas sa maayong kaliwatan ug sa pagkat-on nga magpuyo nga malipayon ug buotan.
