GENSAN- Hingpit ng masaksihan balik sa mga fans ang panagsangka tali sa pinakamaayong mga boksidor, pinaagi sa rematch tali nilang Manny Pacquiao og Floyd Mayweather.
Matud ni General Santos City Councilor Franklin Gacal, dugay nang higala ni Pacquiao ug miyembro sa Team Pacquiao, dugay na silang naghulat nga mahitabo ang Pacquiao vs Mayweather 2 human sa kapin usa ka dekada.
Mahinumduman nga ang katapusang away nila ni Pacquiao ug Floyd Mayweather Jr. nahitabo niadtong 2015, diin napildi ang Filipino boxing champion.
Sumala ni Gacal, kining away ang magtino kon kinsa ang mas maayong boksidor.
Nagtuo siya nga dugay nang miuyon si Mayweather sa rematch kay gusto niyang pamatud-an nga wala siya nahadlok kang Manny.
Sumala niya, bisan kon mag-away sila og napulo ka higayon, mapildi gihapon niya og onse ka higayon ang Pinoy boxing champ.
Gibutyag ni Gacal nga sa bahin usab ni Pacman, siya ang kanunay nga ginahagit si Mayweather nga atubangon siya pag-usab sa ring ug mapasalamaton nga nahitabo na gyud ang dugay nang gipaabot nga away.
Sa report, giklaro sa kanhi senador nga ang iyang rematch kay Floyd Mayweather dili usa ka exhibition boxing fight. Ang away tali sa duha ipahigayon sa Septiyembre 19 sa Las Vegas.
