Hingpit nga mitugot ang International Criminal Court (ICC) Pre-Trial Chamber I sa hangyo ni kanhi Presidente Rodrigo Duterte nga dili motambong sa gikatakdang ‘confirmation of charges’ may kalabotan sa iyang ‘war on drugs’
Sa samang higayon, ang Chamber nagmando sa kampo ni Duterte, sa mga ICC Prosecutors, ug sa komon nga legal nga representante sa mga biktima aron mahibal-an kung hain sa ilang mga gisang-at ang mahimong ipahibalo sa publiko o angay nga itago.
Ang confirmation of charges gikatakda sa Pebrero 23, 24, 26, ug 27, 2026 sa The Hague, Netherlands.
Kahinumduman nga sa sayo pa ning semanaha, si Duterte nagpagawas ug pahayag nga nagwagtang sa iyang katungod sa pagtambong sa husay, tungod sa iyang edad, panglawas, ug tungod kay wala niya giila ang hurisdiksyon sa ICC.
