GENSAN – Gipadayag ni Councilor Richard Atendido nga gilayon nang gipatanggal sa lokal nga gobyerno sa Gensan ang mga tarpaulin ug posters nga adunay nawong ug ngalan ni Mayor Lorelie Pacuiao isip pagsunod sa deriktiba sa national government may kalabotan sa Anti-Epal Policy.
Sumala niya, personal mismong giatiman ni Mayor Paciquaio ang pagpatuman niini, ilabi na sa mga programa ug distribution activities sa LGU.
Gibutyag usab ni Atendido nga bisan sa usa ka kalihokan sa Philippine National Police pipila ka semana ang milabay, wala mitambong ang mayor tungod kay nakita sa iyang advance party nga adunay nawwpng ug ngalan, hinungdan nga nalangan ang aktibidad og usa ka oras samtang gipatangtang ang mga poster.
Matod pa niya, dili importante nga makita pa ang nawong sa mayor sa mga proyekto kay kabalo na ang katawhan nga ang lokal nga pangulohan maoy responsable sa implementasyon niini.
Dugang niya, ang pagsunod sa maong direktiba usa ka paagi aron malikayan ang pagdikit sa mga proyekto sa mga isyu sa national ug mapreserbar ang integridad sa mga programa sa gobyerno.
