Masaligon ang Malacañang nga ang impeachment complaint nga gisang-at batok kang Presidente Ferdinand Marcos Jr. dili molampos.
Kini human sa pagsugod sa House Committee on Justice karong Lunes aron susihon ug tan-awon kung ang mga reklamo batok sa Presidente adunay basehan.
Sumala ni Palace Press Officer Atty. Claire Castro, ang Presidente nasayod nga wala siyay nahimo nga impeachable offense ug nasayod siya sa proseso, busa iyang unahon ang trabaho kaysa impeachment.
Si Castro miingon nga iyang gimonitor ang mga panan-aw sa daghang mga legal luminaries ug mga eksperto sa balaod, lakip ang mga constitutionalist, kinsa miingon nga ang mga alegasyon nga gisang-at sa impeachment complaint huyang tungod kay wala kini basehan.
Miingon siya nga ang mga alegasyon batok sa Presidente puro lang pangagpas ug nga ang mga magbabalaod dili mabaw tungod kay ilang gihunahuna ug tun-an kini dili alang sa personal nga interes apan alang sa katawhan.
