Nagsang-at ang kampo ni kanhi Presidente Rodrigo Duterte og notice of appeal sa Appeals Chamber sa International Criminal Court (ICC) aron balihon ang desisyon sa Appeals Chamber nga isalikway ang interim release sa kanhi Presidente.
Sa unom ka pahina nga dokumento nga gipetsahan Enero 28 nga gisumite sa kampo ni Duterte, ilang gihangyo ang iyang diha-diha nga interim release, ubos sa mga kondisyon nga mahimong ipatuman sa usa ka state party sa international court.
Gipahayag sa kampo sa kanhi Presidente nga ang Pre-Trial Chamber I nasayop sa wala pagkonsiderar sa medical report nga ilang gisumite.
Sumala kanila, ang medical report klaro nga nag-ingon sa padayon nga pagkadaot sa panglawas ug cognitive condition sa kanhi presidente.
Dugang nga giingon sa kampo ni Duterte nga ang Pre-Trial Chamber obligado nga tagdon ang maong report sa regular nga pagrepaso niini kung gikinahanglan pa ba ang padayon nga pagbilanggo ni Duterte sa The Hague.
Niadtong Enero 26, ang Pre-Trial Chamber I mihukom nga adunay igo nga ebidensya nga si Duterte mahimo gihapon nga makahimo og mga krimen sulod sa hurisdiksyon sa ICC.
