Nakahukom ang Korte Suprema (SC) En Banc nga ibasura ang mosyon sa Kamara nga nagtinguha nga balihon ang desisyon niadtong Hulyo 25, 2025 nga nagdeklarar sa impeachment ni Bise Presidente Sara Z. Duterte nga dili konstitusyonal.
Gipamatud-an sa SC nga ang ikaupat nga reklamo sa impeachment nga gipadala sa Senado niadtong Pebrero 5, 2025 gidili ubos sa Artikulo XI, Seksyon 3(5) sa Konstitusyon.
Wala miapil si Associate Justice Alfredo Benjamin Caguioa, samtang si Associate Justice Maria Filomena Singh naka-leave. Giklaro sa SC nga ang unang tulo ka reklamo wala gilakip sa Order of Business sulod sa gitakdang napulo ka adlaw sa sesyon.
Gipasiugda usab sa SC ang kalainan tali sa duha ka pamaagi sa impeachment: ang una moagi sa proseso sa Committee on Justice, samtang ang ikaduha ipatuman dayon kung pirmahan sa usa ka ikatulo sa mga miyembro sa Kamara.
