Gibutyag sa Russian vlogger nga si Vitaly Zdorovetskiy nga iyang gidokumento ang iyang tibuok nga kasinatian sa usa ka prisohan sa Pilipinas ug ibutyag ang korapsyon.
Sa livestream ni Adin Ross, si Vitaly miingon nga nagdala siya og cellphone sa tibuok niyang pagkabilanggo ug miinsistir nga “kwarta ang naka palibot ‘ sa Pilipinas.
Gipaambit usab sa vlogger nga ang iyang pagkabilanggo milungtad og unom ka bulan ug laing upat ka bulan alang sa pagproseso sa iyang deportasyon.
Miingon siya nga dili kini sayon. Sumala kaniya, sa unang tulo ka bulan gibutang siya sa isolation.
Gihulagway niya ang prisohan nga init, walay bentilasyon ug puno sa mga ilaga.
Tungod sa grabeng kainit, adunay mga higayon nga nagpakaaron-ingnon siyang nalipong aron lang mangayo og tubig sa mga guwardiya.
Miingon usab si Vitaly nga natingala siya sa giingong kakulang sa toilet paper sa prisohan ug nga ang ubang mga binilanggo migamit lang sa ilang mga kamot human sa pagdumi.
Si Vitaly gidakop tungod sa pagpanghasi sa daghang mga Pilipino sa nasud alang sa iyang content.
Na-deport na siya sa Russia ug na-blacklist sa Pilipinas
