Gihimakak sa aktres-host nga si Toni Gonzaga ang mikatap nga mga espekulasyon bahin sa giingong mga problema sa ilang kaminyuon sa iyang bana, ang filmmaker nga si Paul Soriano, sa usa ka social media live session niadtong Martes.
Maisugon nga gitubag sa host ang mga netizen kung sila ba ni Paul ang “power couple” nga gihisgutan sa usa ka blind item nga nag-circulate online.
Sumala ni Toni, dili siya mohatag og panahon sa iyang giingon nga walay pulos nga mga pangutana.
“Do not waste time sa mga nonsense, okay? It’s a waste. And dapat mga waste, fina-flush sa CR,” ingon ni Toni sa iyang live broadcast.
Mahinumduman nga niadtong Hunyo 2025, gibag-o nila ni Toni ug Paul ang ilang mga saad sa kasal isip pagsaulog sa ilang ika-10 nga anibersaryo.
Ang duha gikasal niadtong 2015 sa Taytay, Rizal.
Si Toni ug Paul karon adunay duha ka anak, sila si Seve ug Polly.
