Sarangani – Nakumpiska sa mga kapulisan ang 1,091 ka reams sa Presidente Filter King cigarettes human napugngan ang usa ka Isuzu Elf nga nagbiyahe paingon sa General Santos City sa checkpoint sa National Highway, Sitio Seguil, Brgy. Tinoto, Maasim, Sarangani Province ganihang alas 4:40 sa hapon.
Gipasaka ang aksyon sa 2nd Sarangani Provincial Mobile Force Company (SPMFC) kauban ang Maasim MPS ug personnel sa Bureau of Customs (BOC). Ang drayber nailhan nga si Rodel Cano Lemon, 41 anyos, taga Meniova, Rio Hondo, Zamboanga City, ug ang iyang helper nga si Alsibar Majadelon Dammang, 19 anyos, taga Purok 9, Brgy. Linguisan, Zamboanga Sibogay Province, gipahibalo sa ilang constitutional rights ug nadakpan sa lugar.
Gibuhat ang inventory ug markings sa confiscated items sa presensya sa mga suspects ug sa elected barangay official nga si Kag. Alano Wahani.
Ang kantidad sa smuggled cigarettes gibanabana sa P933,546.88, ug gi-turn over sa BOC alang sa dokumentasyon ug husto nga disposisyon.
Sumala sa report, ang interception gipahigayon uban ang tabang sa Regional Intelligence Division 12, SPPO-PIU, ug Maasim MPS, ug wala gamita ang body-worn camera o laing recording device tungod sa kadasig sa sitwasyon.
