Mga pabuto, misaka ang presyo pila ka oras una ang pagsugat sa Bag-ong Tuig

GENSAN– Misaka ang presyo sa mga pyrotechnics pila ka oras una ang pagsugat sa Bag-ong Tuig.

Kini ang gibutyag ni Mac Pangonotan ang Presidente sa Pyrotechnics Association sa Gensan Oval Plaza.

Segun niini nga wala pa sila nagsugod ug baligya, taas nang daan ang presyo sa pyrotechnics gumikan sa sunod-sunod nga bagyo nga niabot sa nasud kung asa usa ang Bocaue Bulacan, ang lugar kung asa tinubdan sa daghang mga pabuto, usa sa mga naigo sa bagyo, ang limitado lang ang ilang supply nga ginapadala sa ilang mga costumer apil dinhi sa Gensan.

Dugang pagbutyag ni Pangonotan nga pipila ka oras una ang Bag-ong tuig, dili kaayo daghan ang namalit sa ilaha og mga pabuto dili sama sa nakalabayng tuig nga hurot-hurot ang ilang mga baligya.