GENSAN- Duha ka adlaw na lang matigayon na ang Blood Letting Activity sa Bombo Radyo Philippines–ang Dugong Bombo 2025 nga ipahigayon sa Nobyembre 15.
Samtang nagkaduol ang maong aktibidad, nagkadaghan ang mga gustong makig-partner alang sa katuyoan nga makatigom og daghang dugo.
Usa sa mga nakig-alayon sa maong kalihukan si Maricris Estopia, Internship Coordinator/ Instructor sa Fil-Can Community College Foundation Incorporated GenSan.
Giawhag niini ang katawhan nga aktibong mopartisipar sa ipahigayon nga bloodletting activity karong Nobyembre 15, sa Robinsons Gensan.
Ang mga malampusong makadonar og dugo ang hatagan og “Dugong Bombo” T-shirt, hot meals sama sa lugaw, tubig o juice, food supplements o vitamins, freebis, Dugong Bombo Certificate og libreng SAGIP Ka membership.
