-- ADVERTISEMENT --
GENSAN– Gawas sa pagtutok sa “4s” campaign, ang lain pang estratehiya aron malikayan ang kaso sa dengue mao ang paghatag sa mga eskwelahan og ‘insecticide-treated curtains’.
Matod ni Dr. Lalaine Calonzo, Department Head sa City Health Office sa Gensan nga tumong niini nga maprotektahan ang mga estudyante batok sa dengue.
Samtang gibutyag niini nga nagpadayon usab ang ilang “Operation Humol” sa mga komunidad, diin ang mga mosquito net o habol ginalubog sa insecticide aron mapatay ang mga lamok ug mapugngan ang pagkaylap sa sakit.
Gihangyo ni Dr. Calonzo ang tanan nga manglimpyo sa palibot, ipangkulob ang mga container nga mahimong pangitlogan sa lamok, ug magtinabangay aron malikayan ang dengue outbreak sa dakbayan.
