Pres. Marcos nagatuo nga may pagsalig gihapon ang publiko sa gobyerno

Nagtuo si President Ferdinand Marcos Jr. nga aduna gihapoy pagsalig ang publiko sa gobyerno.

Kini tungod gitul-id sa iyang administrasyon ang nangaging mga sayop bisan paman sakit ug lisod ang proseso.

Dugang pa nga padayon ang pagpanglimpyo sa han-ay sa gobyerno aron masiguro nga ang tanang opisyal ug public servant takos sa pagsalig nga gihatag kanila sa katawhan.

Iyang giangkon nga dili sayon ​​ang away tungod sa daghang hagit nga atubangon ug mabuntog.

Kahinumduman nga gisusi na sa Independent Commission for Infrastructure (ICI) ang mga anomalosong proyekto sa gobyerno diin daghang opisyal sa gobyerno ang nalambigit.