Nipatuman og mga kausaban ang mga organizer sa 33rd Southeast Asian Games (SEA Games) nga ipahigayon sa Thailand.
Matud ni Gymnastics Association of the Philippines President Cynthia Carrion nga ang two-time Olympic gold medalist nga si Carlos Yulo ang maapektuhan.
Ang mga organizers namahayag nga ang lagda mao nga ang mga atleta sama ni Yulo nga makigtigi sa lain-laing mga apparatus makapili lang og usa nga apilan.
Dugang ni Carrion nga masaligon ang mga organizers tungod makuha gyud ni Yulo ang tanang kategorya ug apparatus nga iyang apilan.
Mahimong pilion lang ni Yulo ang parallel bars tungod kay didto niya nakuha ang gold medal.
Itugyan usab nila ang floor exercise kang Ivan Cruz ug vault kang Miguel Besana nga midaog kanila sa miaging SEA Games.
Si Yulo kasamtangang nakatutok sa Artistic Gymnastics World Championships nga ipahigayon sa Jakarta, Indonesia gikan sa Oktubre 19 hangtod 25.
Kahinumduman nga sa 2023 SEA Games, ang Pilipinas nakadaog og upat ka gold, duha ka silver ug usa ka bronze medal.
