-- ADVERTISEMENT --

SARANGANI – Suspendendo ang tanang klase sa tanan nga lebel sa mga pampubliko ug pribadong tunghaan sa tibuok Sarangani Province karong adlawa Oktubre 13 hangtod 14, 2025, base sa rekomendasyon sa Department of Education (DepEd) Sarangani.

Ang maong desisyon gibase sa bag-phay nga linog nga nahitabo sa rehiyon.

Tumong niini nga hatagan og igong panahon ang mga awtoridad aron masusi og ma-inspeksyon ang kahimtang sa mga eskwelahan, lakip na ang istruktural nga kalig-on sa mga building, aron masiguro nga luwas gamiton sa mga estudyante ug magtutudlo sa pagbukas pag-usab sa klase.

Samtang wala pa ang pisikal nga klase, padayon gihapon ang pagtungha pinaagi sa blended learning modalities aron magpadayon ang pagtuon sa mga estudyante bisan sa panahon sa inspeksyon.

Samtang padayon ang trabaho sa mga opisina sa gobyerno ug pribadong sektor aron mapadayon ang paghatag sa mga kinahanglanong serbisyo ug aron masiguro ang koordinasyon sa mga lakang pangkaluwasan.

-- ADVERTISEMENT --

Gipasidaan usab ang publiko nga magpabiling alerto, mosunod sa mga safety protocol, ug magtan-aw lamang sa opisyal nga pahibalo sa mga lokal nga awtoridad ug disaster response agencies alang sa dugang nga impormasyon.