GENSAN- Giaprobahan dayon sa lokal nga kagamhanan sa dakbayan ang cash aid assistance nga ihatag sa kagamhanan sa dakbayan ngadto sa mga naapektuhan sa 6.9 magnitude nga linog sa Cebu.
Kini human sa gipahigayong special session sa Sangguniang Panlungsod Gensan kaganihang buntag diin giaprobahan sa tanang opisyal sa syudad ang paghatag og P8 million nga financial assistance.
Matod ni Kagawad Ramon Milleza, ang maong kantidad gikan sa Quick Response Fund sa dakbayan nga magamit alang sa rehabilitation ug recovery efforts sa Cebu.
Matud niya nga kining dali nga aksyon usa ka inisyatiba ni Mayor Lorelie Geronimo Pacquiao aron matabangan ang mga apektadong komunidad.
Ang package sa tabang ipang-apod-apod sama sa mosunod, ₱2 million alang sa Bogo City, ₱1 million matag usa alang sa Tabugon, San Remigio, Tabuelan, Daan Bantayan, Borbon, ug Medellin.
