Opisyal nang nagsugod ang shutdown sa federal government sa unang higayon sulod sa unom ka tuig human ang Kongreso nga nagkabahin-bahin og napakyas sa pagpasa og pondo aron mapadayon ang operasyon ug wala pay klaro kung unsay sunod nga mahitabo sulod sa Capitol.
Human milabay ang deadline sa pondo, dali dayon nga nagtinudloanay ang mga Republicans ug Democrats kung kinsay angay basulon sa shutdown.
Ang mga Republicans misulti nga angay ra unta nga mouyon ang mga Democrats nga palungtaron ang kasamtangang pondo sulod sa pito ka semana.
Apan ang mga Democrats nag-insister nga ang bisan unsang balaodnong pondo kinahanglan adunay extension sa enhanced Affordable Care Act premium subsidies.
Lahi-lahi ang epekto sa matag shutdown, apan ang mga gimbuhaton nga kritikal sa pagpanalipod sa kinabuhi ug kabtangan kasagaran giisip nga “essential” ug magpadayon gihapon.
Sa mga milabay nga shutdown, nakansela ang mga immigration hearings ug nadugay ang federal lending alang sa mga homebuyers ug gagmay’ng negosyo, lakip pa sa uban pang epekto.
