GENSAN – Gitawag ni Gensan City Mayor Lorelie Pacquiao nga pulos lamang pagpangdaot sa iyang liderato ang mga estorya nga naggikan bahin sa mamahalon kuno niyang mga sinina.
Matod niini nga , dili kini bag-ong butang kay sukad pa sa wala pa siya mosulod sa politika, nakapamalit na siya ug mga branded nga panapton tungod sa paningkamot sa iyang bana nga si Bobby Pacquiao nga kaniadto aktibong boksingero.
Gidugang pa niya nga halos tanan nilang mga gamit, lakip na ang ilang gipuy-an nga balay ug mga sakyanan, gikan sa hinatag sa iyang bayaw nga si kanhi senador Manny Pacquiao.
Tungod niini, wala’y rason nga ibutang siya sa alanganin nga daw gasto sa salapi sa gobyerno ang iyang pagpanapton.
Iyang klarong ipasabot nga isip mayor dili siya musugot nga magpakita ug dagway nga murag walay kahimtang tungod kay kinahanglan nga presentable ug matinud-anon siya sa pag-atubang sa katawhan nga iyang gialagaran.
Nagpabilin ang pasalig ni Mayor Lorelie nga magpadayon siya sa pagtrabaho alang sa kaayohan sa mga Generals ug dili magpadala sa mga isyu nga tumong lamang ang pagdaot ug pagguba sa iyang kredibilidad.
