Namatay na ang British boxer ug kanhi boxing world champion nga si Ricky Hatton sa edad nga 46.
Usa ka tigpamaba sa Greater Manchester Police miingon nga nakadawat sila og tawag nga ang boksidor patay na sa iyang balay sa Bowlace Road, Hyde, Tameside.
Wala pa mohatag ang mga awtoridad og hinungdan sa kamatayon sa maong boksidor.
Gibansagan siya og “The Hitman,” si Hatton nakadaog og world titles sa light welterweight ug welterweight nga mga klase.
Nakaatubang na siya sa pipila sa mga sikat nga boksidor sa kalibotan sama nila ni Floyd Mayweather Jr, Manny Pacquiao ug Kostya Tszyu.
Si Mayweather nakaangkon sa iyang unang kapildihan kaniadtong 2007, human siya adunay limpyo nga rekord nga 43 ka daog.
Sa iyang pagretiro kaniadtong 2012, aduna siyay limpyo nga rekord nga 45 ka daog ug tulo ka pildi.
Sa bag-ohay nga mga tuig, wala niya gilimod ang iyang pagkaadik sa alkohol, droga ug depresyon.
Gikatakda unta siyang mobalik sa boxing ring sa Disyembre ning tuiga aron makigsangka kang Eisa Al Dah sa Dubai karong Disyembre 2.
