Napakyas ang Filipino pole vaulter nga si EJ Obiena nga makasulod sa finals sa 2025 World Athletics Championship sa Tokyo, Japan.
Si Obiena nakaabot lang sa 5.55 metros ug mitapos sa ika-18 nga dapit, kauban nilang Matej Ščerba sa Czechia ug Oleksandr Onufriyev sa Ukraine.
Si Obiena anaa sa Group A kauban ang world record holder nga si Mondo Duplantis sa Sweden ug Emmanouil Karalis sa Greece.
Ang Filipino vaulter nakaabot sa sinugdanan nga gitas-on nga 5.40 metros ug nagunitan dayon ang 5.55 metros sa iyang unang pagsulay.
Apan, napakyas siya sa pagkuha sa ika-duha nga pagsulay sa 5.70 metros ug gipili nga laktawan ang iyang katapusang tyansa sa pagsulay sa 5.75 metros.
Didto usab siya napakyas pag-abot sa unang ambak hinungdan nga nakaangkon siya og tulo ka sunodsunod nga sipyat ug natangtang sa kompetisyon.
Ang mga atleta lamang nga nakatabok sa 5.80 metros o nalakip sa top 12 sa kinatibuk-ang 36 ka partisipante sa duha ka qualification group ang nakaabante sa final round.
Kahinumduman nga nakadala na si Obiena og duha ka medalya sa miaging edisyon sa torneyo – bronze kaniadtong 2022 ug silver sa 2023.
