Ipatuman sa Ninoy Aquino International Airport (NAIA) ang pagtaas sa passenger service charge o terminal fee karong Septiyembre 14, 2025.
Base sa Manila International Airport Authority Revised Administrative Order Number 1, ang passenger service charge alang sa mga international nga biyahe mosaka gikan sa P550 ngadto sa P950.
Sa mga domestic nga pasahero, mosaka ang terminal fee gikan sa P200 ngadto sa P390.
Ang nasangpit nga mando nag-ingon nga ang mga bata nga nag-edad og dos anyos paubos, flight crews, overseas Filipino workers, pilgrims, Philippine Sports Commission delegates, Medal of Valor awardees ug uban pa nga gitugutan sa balaod o Office of the President nga walay apil.
Ang nasangpit nga umento sa bayronon gibase sa kasabutan tali sa gobyerno ug NAIA Infra Corp (NNIC) nga maoy mikontrola sa NAIA sa miaging tuig.
