Hingpit nang gikasuhan pg kidnapping with homicide ang amahan sa usa ka 7-anyos nga batang babaye ug ang ina-ina niini human nakitaa.n og mga circumstantial evidences sa iyang kamatayon.
Madumdumang nakit-an na lang nga wala na’y kinabuhi ang hubo nga biktimang si alyas ‘Portia,’ residente sa Brgy Bantog, lungsod sa Asingan, lalawigan sa Pangasinan, niadtong Agusto 15 sa Tondaligan Beach, Barangay Bonuan Gueset, sakop sa Dagupan City sa susamang lalawigan human na-missing niadtong Agusto 14.
Sigon sa Office of the Prosecutor sa maong siyudad, duna’y igong ebidensya aron taralon ang mga suspetsado tungod sa kreming gihimo nga klaro matud pang planado ug brutal.
Sigon usab ni PCol Arbel Mercullo, officer-in-charge sa Pangasinan Provincial Police Office, nasuta sa mga imbestigador nga nagkunsabo ang magti-ayon rason nga sila gikasuhan ug dakong tabang sa pagtumbok sa ilang gihimo ang gigamit nga GPS tracker, dash cam footage, ug CCTV recordings gikan sa sakyanang gigamit sa mga suspetsado.
Pinaagi sa maong modernong kagamitan, natumbok ang lugar nga ilang gi-adtuan apil na ang lungsod sa Calasiao, Malasique ug Dagupan City.
Migawas pa sa post-mortem examination nga grabeng bun-og ang lawas sa biktima apil na ang iyang kinatawo.
Nasaurang gitugutan sa inahan sa biktima ang pag-otopsiya sa patay’ng lawas sa iyang anak pinaagi sa gipirmahang waver ug ipagawas ang resulta pila ka adlaw gikan karon nga gila-umang maou magpakusog sa kaso..
