GENSAN-Nalipay si Kapitan Edward Frederick Yumang sa Brgy San Isidro sa pag-extend sa usa pa ka tuig sa termino sa mga barangay officials gikan sa tulo ka tuig lamang.
Gibutyag niini nga usa kini ka oportunidad aron mas mapalapad ang ilang pagserbisyo sa katawhan.
Matod pa niya, pribelihiyo lamang ang pag-occupy sa posisyon sa barangay, busa angay nga tarungon ug tinuoron ang pagpanerbisyo.
Gipasalig usab ni Kapitan Yumang nga padayon ang ilang mga proyekto ug programa, ilabi na ang mga infrastructure projects nga gipondohan gikan sa lokal ug national nga pondo.
Sa sunod tuig, tutukan sa ilang barangay ang pagpalig-on ug pagpalapad sa drainage system aron masolusyonan ang problema sa pagbaha ug maprotektahan ang kahimtang sa komunidad panahon sa kusog nga ulan
