Mikunhod ang militar sa nasud ngadto sa 450,000, sumala sa Ministry of National Defense sa South Korea, miubos kini sa 20% sa miaging unom ka tuig.
Gipunting sa mga awtoridad ang pagkunhod sa birth rate sa nasud maoy nanguna nga rason niini, nga sa karon anaa sa 0.75 nga pagpanganak sa matag babaye asa maoy labing ubos sa tibouk kalibutan.
Ang serbisyo militar gikinahanglan gihapon sa South Korea tungod kay ang gubat niini sa North Korea wala pa pormal nga natapos, nga adunay gibana-bana nga 1.3 milyon nga aktibong mga sundalo.
Sumala sa usa ka pagtuon, ang South Korea nagkinahanglan ug labing menos 500,000 ka sundalo aron epektibong madepensahan ang kaugalingon gikan sa posibleng pag-atake sa North Korea.
Sa padayon nga pagkunhod sa mga numero, ang mga eksperto nag-ingon nga ang nasud anaa sa “lisud nga posisyon” kung bahin sa nasudnon nga depensa.
Sukad tuig 2006, nabawasan ang gidaghanon sa mga military divisions gikan sa 59 ngadto sa 42, isip resulta sa paghiusa o pagkabungkag sa pipila ka mga yunit.
Isip tubag niini, ang budget sa depensa sa nasud nagpadayon sa pagtaas. Karong tuiga, ang budget sa militar sa gobyerno niabot sa kapin sa $43 bilyon, mas dako pa sa tibuok GDP sa North Korea.
Bisan kung ang serbisyo militar gikinahanglan alang sa mga lalaki, ang sistema nagpabilin nga kontrobersyal, labi na tungod sa epekto niini sa mga karera sa mga batan-on.
Ang ubang mga konserbatibo nanawagan usab sa mga babaye nga maapil sa conscription taliwala sa krisis sa populasyon.
