Gitudlo si Police Regional Office 13 (PRO CARAGA) director Police Brigadier General Christopher Nortez Abrahano isip bag-ong hepe sa Criminal Investigation and Detection Group (CIDG).
Sa kamandoan nga gipagawas kagahapong adlawa, Hulyo 28, 2025, pormal nga gitudlo si Abrahano isip Acting Director sa CIDG PNP.
Iyang hulipan si CIDG director Brig. Gen. Romeo Juan Macapaz nga nadistino sa Police Regional Office 12 (Soccsksargen). Si Macapaz natudlo sa maong posisyon kaniadtong Hulyo dihang ang hepe sa CIDG nga si Maj. Gen. Nicolas Torre III gitudlo isip hepe sa PNP.
Si Brig. General Marcial Magistrado IV, ang outgoing Police Regional Office 2 (Cagayan Valley) deputy director of administration, maoy mopuli isip CARAGA police director, hulip kang Col. Rodelio Samson, ang kasamtangang PRO2 deputy director for operations.
