Pakasohan na sa mga otoridad ang tag-iya sa panimalay sa Tarlac, kansa gihimo usab nga dogfighting arena. Kini human naluawas ang tulo ka mga iro, lakip ang mga itoy sa nahisgutang dogfighting ring niadtung sabado, Hunyo 12.
Ang mga iro, ginasabong online, kansa lakip matud pa sa mga namustang sugarol kay anaa sa abroad.
Sayrang gi-raid sa mga otoridad pinaagi sa Criminal Investigation and Detection Group – Anti-Organized Crime Unit kon CIDG-AOCU, Presidential Anti-Organized Crime Commission kon PAOCC, ug Animal Welfare Investigation Project ang nasangpit nga dog fighting arena sa Tarlac ning nakalabayng semana pinaagi sa usa ka pribadong impormante.
Sikop sa maong raid ang nagpadagan sa maong illegal nga dogfighting kansa naila lang sa pangalang si Alyas Akira.
Sayrang na-rescue sa balay sa maong suspek ang mga iro nga gipang-train pang sabong. Ang usa sa maong mga iro, daw nakahilak pa sa kalipay sa dihang gi-rescue sa mga otoridad.
Una nang na rescue sa mga otoridad ang pito ka mga itoy sa suspek, kansa gipalit arun makuha una ang pagsalig niini.
Sayrang gina-train na pangsabong ang maong mga itoy bisa’g walo pa lamang kini ka bulan.
Sa kasamtangan, pakasohan na sa PAOCC ang mga nakita sa video nga nag-pasabong sa maong mga iro, lakip ang mga administrator niini. Isipon usab sa mga otoridad nga Organized crime group ang nasangpit nga dogfight ilabi na nga ginapagawas pa kini, live, sa online.
