Nakasulat na ang Pilipinas sa Japan aron mangayo og tabang nga makit-an ang patay nga lawas sa mga sabungero nga gialegar nga gilubong sa Taal Lake.
Sumala kang Justice Secretary Jesus Crispin Remulla, kinahanglan ang technical expertise sa Tokyo aron maimbestigahan kung anaa gyud sa maong lugar ang mga biktima.
Una na nga gibutyag sa usa sa mga akusado nga karon whistleblower nga si Julie “Dondon” Patidongan nga didto gilabay ang mga patay nga lawas og sumala kay Remulla, adunay dugang nga mga testigo nga nagbutyag nga didto gyud gilabay ang mga sabungero.
Kaniadtong 2022 dihang nagsugod ang DOJ sa pagpangdakop sa mga police og security personnel nga gialegar nga may kalabutan sa pagkawala sa 34 cockfight industry participants, apan sa paggawas sa testigo karon nga 2025, gibulgar niini nga sobra sa 100 ang mga biktima.
Kahinumdoman nga gitudlo ni Patidongan ang iyang kanhi amo nga si Charlie “Atong” Ang nga mao ang mastermind og gi-tag usab si Gretchen Barretto nga adunay kahibalo sa krimen.
Pareho nga gipanghimakak ni Ang og Barreto ang maong alegasyon.
(Photo: Darlene Cay)
