Subling nagpabilib na usab sa stacking si Tian Rui nga mas nailhan nga si “Card Architect,” human niyang makuha ang ikaupat niya nga Guinness World Records title gamit ang kapin 3,000 ka Jenga blocks.
Sa pinakabag-o nga kalamposan, si Tian Rui nagtukod ug Jenga tower nga gilangkuban sa 3,149 ka bloks nga gipatong-patong sa ibabaw sa usa lang ka vertical pieces , usa ka talagsaong kahimoan nga nakadayeg bisan sa mga eksperto sa stacking.
Dili kini ang una nga higayon nga nagmarka si Tian Rui sa stacking.
Gawas pa sa iyang bag-ong record alang sa “most Jenga blocks stacked on one vertical Jenga block,” Siya usab ang naghupot sa mga titulo alang sa “tallest house of cards built in one hour” (32 layers), “tallest house of cards built in 8 hours” (62 layers), ug “most Jenga Giant blocks stacked on one vertical Jenga Giant block” (918 blocks).
Kanhi siya nga magician, apan karon usa na siya ka hingpit nga tigbuhat sa sulud ug tigbungkag sa rekord nga giila sa lainlaing mga nasud.
Matud kang Tian Rui, disiplina ug paglahutay mao ang yawe sa iyang kalampusan.
Matod niya ang formula sa iyang kalamposan dili sekreto kondili lunsay nga konsentrasyon ug pagpahait sa iyang pagbati sa balanse.
Alang kaniya, ang stacking nahimong bahin sa iyang adlaw-adlaw nga kinabuhi.
Nagplano siya nga palapdan ang iyang mga proyekto, sama sa paghimo og gagmay nga mga skyline sa siyudad gamit lamang ang pagdula og mga baraha ug mga blocks aron ipakita sa publiko ang kamahinungdanon sa paglahutay ug pagtutok taliwala sa paspas nga kalibutan.
