Alex Eala naghimo og kasaysayan, nag-abante sa championship round sa Eastbourne Open

Nakahimo ug kasaysayan si Filipino tennis star Alex Eala human ang pagmartsa ngadto sa championship round sa 2025 Eastbourne Open.

Si Eala ang pinaka -una nga Pinay nga kinsa nakaabot sa final sa WTA.

Iyang gipildi si Varvara Gracheva sa France sa ilang semifinals duel niadtong Biyernes, Hunyo 27 sa England.

Napildi man tuod si Eala sa ikaduhang set, apan nakabawi siya ug midaog sa ikatulong set, 7-5, 2-6, 6-3.

Si Eala makigsangka sa mananaog sa duwa tali sa Maya Joint sa Australia ug Anastasia Pavlyuchenkova sa Russia sa final karong Sabado, Hunyo 28.