Usa ka 19-anyos nga batan-ong lalaki gikan sa Spain ang nagpakita og talagsaong kahanas sa pagpananom human niya gipatubo ang pinakabug-at nga cantaloupe melon sa kalibutan, nga motimbang og labaw pa sa standard washing machine.
Ang batan-ong lalaki, giila nga si Llorenç Soler Adrover, bag-o lang nakabutang og bag-ong Guinness World Record human ang iyang ani nga melon mitimbang og 31.44 ka kilo. Mas bug-at kini kay sa kasagaran nga otso anyos nga bata, ingon man usa ka hamtong nga Golden Retriever.
Ang iyang dako kaayong cantaloupe melon gipakita niadtong 2023 sa Rufino Pineda Mendoza Watermelon and Melon Competition sa Villanueva de la Serena, Spain. Nalabwan sini ang nauna nga record nga 30.47 kilos nga natala sa 2019.
Alang kang Llorenç, ang paghimo og bag-ong rekord bisan pa sa iyang pagkabatan-on usa ka personal nga kalampusan. Si Llorenç padayon nga naglaum nga ang iyang istorya magsilbi nga inspirasyon sa mga kauban nga kabatan-onan nga hatagan og bili ang agrikultura ug magtinguha sa ilang kaugalingon nga mga kalampusan.
