Gipili sa Dallas Mavericks si 6’9 small forward Cooper Flagg isip No. 1 overall pick sa 2025 National Basketball Association (NBA) draft.
Si Flagg nagdula sa basketball sa kolehiyo sa Duke University, nga adunay daghang mga awards sama sa National college player of the year (2025), Consensus first-team All-American (2025), USA Basketball Male Athlete of the Year (2022), ug uban pa.
Sa pagkakaron, 18 y/o pa lang siya pero kaya na niya nga makigkompetensya sa mas edaran nga mga magduduwa.
Sa wala pa ang draft sa NBA, nag-average siya og 19.2 puntos matag duwa, 7.5 rebounds matag duwa, ug 4.2 assists matag duwa.
Makahimo usab siya nga makaposte og 1.4 ka steals matag duwa ug 1.4 blocks matag duwa samtang nagparehistro og 31 ka minuto nga hardcourt play.
Sa iyang pag-apil sa Dallas Mavericks, makig-uban siya sa mga beteranong NBA players ug NBA champions nga sila Anthony Davis, Klay Thompson, ug Kyrie Irving, kinsa kasamtangang nagpaalim sa angol sa Achilles.
