Miapela pag-usab ang lider sa Simbahang Katoliko nga si Pope Leo XIV sa pagtapos sa trahedya nga resulta sa gubat ilabina sa Middle East.
Gihimo sa Santo Papa ang panawagan sa iyang Angelus address sa St. Peter’s Square kagahapon, Hunyo 22.
Nahitabo kini human gipabuto sa mga US bombers ang 3 ka nuclear sites sa Iran taliwala sa nagpadayong pagbinayloay sa mga strikes tali sa Israel ug Iran.
Matod sa Santo Papa, ang makapaalarma nga balita padayong nangabot gikan sa Middle East, ilabi na sa Iran.
Si Pope Leo nihinumdom nga ang gubat nagpakusog lamang sa mga problema ug nagmugna og lawom nga mga samad nga walay malungtarong solusyon.
Matod niya nga ang katawhan naghilak ug nangamuyo alang sa kalinaw ug nga ang mga luha alang sa kalinaw nanginahanglan og responsibilidad.
Giingon usab niya nga sa ingon nga mga sitwasyon, adunay peligro nga makalimtan ang pag-antos sa populasyon, labi na sa Gaza, nga nanginahanglan og dinaliang humanitarian support.
Tungod niini, giawhag usab sa Santo Papa ang matag miyembro sa international community sa pagtuman sa ilang moral nga responsibilidad sa pagpugong sa gubat.
Sa katapusan, ang Santo Papa mipadayag og paglaum nga ang diplomasya mapahilom sa mga hinagiban ug makatugot sa mga nasud sa paghulma sa ilang kaugmaon pinaagi sa mga buhat sa kalinaw, dili pinaagi sa kapintasan ug madugoon nga panagbangi.
