Nipasalig ang Department of Justice nga ilang pangitaan og paagi ang 34 ka mga sabungero nga missing pa.
Sa pakighinabi, gipaambit ni Justice Secretary Jesus Crispin Remulla nga makasalig ang publiko nga buhaton nila ang tanan aron masulbad ang kaso.
Matod niya nga gitun-an na sa departamento ang impormasyon nga naa niini ug padayon nga nagpahigayon og ‘case buildup’ aron mapalambo ang detalye sa isyu sa kaso.
Dugang pa niya nga ila kining responsibilidad, busa kinahanglang pangitaon ug tukion ang kamatuoran luyo sa pagkahanaw sa mga sabungero, upat ka tuig na ang nakalabay.
Kahinumduman nga karong bag-o lang niabot sa unahan ang usa ka akusado nga giilang si alyas ‘Totoy’ kinsa nipaambit nga ang mga biktima gipatay ug gilubong sa Taal Lake sa Batangas.
Busa, gipahibawo sa Department of Justice nga gikinahanglan ang ‘technical divers’ aron pagmatuod niini.
Gusto kuno ni Justice Secretary Jesus Crispin Remulla nga matino ang kamatuoran kalabot sa iyang mga pamahayag.
