Gibana-bana nga ang gipaabot nga pagsaka sa Pilipinas sa upper income status mahitabo sa 2027.
Matod sa global financial institution, ang World Bank (WB), posibling ma-break free ang atong nasud gikan sa low middle income status sa mosunod nga duha ka tuig ug dili karong tuiga, 2025 o 2026.
Ang Lead Economist sa World Bank nga si Gonzalo Varela mipasabot sa usa ka Philippine Economics briefing nga bisan kini posible sa sunod tuig, ang mga walay kasiguroan o kalit nga mga panghitabo sa kalibutan sama sa US taripa nga palisiya ug geopolitical tension mahimong malangan niini.
Mahimong moresulta kini sa paghinay sa mga eksport, pagkunhod sa pagtubo sa mga serbisyo ug industriya.
Nakita usab sa institusyon sa pinansya ang pagtubo sa nasud sa 5.3% nga rate sa pagtubo karong tuiga, mas ubos sa gross domestic product (GDP) nga natala sa miaging tuig ug layo sa target sa gobyerno nga 6% hangtod 8%.
Ang WB wala maglakip sa epekto sa nagpadayon nga tensyon tali sa Israel ug Iran sa iyang forecast, apan kini miingon nga kung kini mograbe, kini makaapekto sa Pilipinas ug sa tibuok kalibutan nga pamatigayon, sama sa pagpataas sa presyo sa mga palaliton ug makaapekto sa global shipping, logistics ug sa ekonomiya.
Tungod niini, girekomenda sa WB nga ipatuman sa PH ang mga reporma sa buhis, pagpauswag sa paggasto ug pagkunhod sa mga depisit. Giingon usab niini nga ang nasud kinahanglan nga mamuhunan sa imprastraktura nga gikinahanglan alang sa mga trabaho, pagpadali sa regulasyon sa negosyo ug paggamit sa pribadong kapital.
