Gikatakda nga ang United Kingdom ug ang European Union magpahigayon og mga pakigpulong sa Iran sa Geneva, Switzerland sa Biyernes, Hunyo 20.
Kabahin kini sa mga paningkamot sa pagwagtang sa mga tensyon sa Middle East, ilabi na ang nagpadayon nga pagbinayloay sa mga pag-atake tali sa Iran ug Israel.
Kasunod usab kini sa duha ka semana nga ultimatum nga gitakda ni US President Donald Trump aron magdesisyon kung moapil ba sa US sa pag-atake sa Iran. Naglaum si Trump nga aduna pay kahigayonan alang sa diplomasya sa panagbangi tali sa Israel ug Iran.
Sa miting nga gipahigayon , ang UK Secretary of State for Foreign and Commonwealth Affairs nga si David Lammy gilauman nga mohatag og gibug-aton sa dugay na nga kabalaka sa UK mahitungod sa nukleyar nga programa sa Iran ug mag-awhag niini sa pagpangita og diplomatikong solusyon.
Siya miingon nga sila determinado nga ang Iran dili gayud makabaton og nukleyar nga hinagiban ug miingon nga adunay duha ka semana nga kahigayonan nga makab-ot ang diplomatikong solusyon.
Gawas sa opisyal sa UK, ang mga foreign ministerssa France ug germany gikatakda usab nga motambong sa miting uban sa ilang Iranian counterpart, Foreign Affairs Minister Abbas Araghchi, ug EU Vice President Kaja Kallas.
