“Wala koy bilib ‘ mao ang pait nga pamahayag ni kanhi presidential spokesperson Salvador Panelo sa Duterte Youth Partylist human sa pakighinabi kaniya diin iyang gipahibalo ang iyang suporta sa Commission on Elections (COMELEC) sa pagkanselar sa rehistrasyon sa grupo.
Dugang ni Panelo nga gigamit lang sa grupo ang pangalan ni kanhi Presidente Rodrigo Duterte ug niingon nga “puno ang record niini sa mga tawo nga dili maayo.”
Gisaway usab ni Panelo ang kontrobersyal nga kasaysayan sa Duterte Youth, ilabina ang mga “questionable nominations,” ug matud pa nga daghan na kinig mga kalapasan sukad pa sa sinugdanan, apil na ang pagkadili-angay sa mga nominado sa pagkabatan-on.
Sa laing bahin, wala na masurprisa ang kanhi tigpamaba ug inahan nga dunay igong basehanan nga matangtang kuno ang grupo.
Kahinumduman nga gi-invalidate sa COMELEC ang rehistrasyon sa Duterte Youth Party-list, human masulbad ang kaso niadtong 2019 kalabot sa ilang status isip opisyal nga party-list group.
