GENSAN– Gipangandaman na karon ang proseso sa pagpili sa mga private partners nga motabang sa pagpadagan ug pagmintinar sa mga airport sa nasod.
Matud ni Joel Gavin, ang Airport Manager sa General Santos International Airport, kini alayon sa plano sa Department of Transportation nga i-modernize ang dagkong tugpahanan sa nasod pinaagi sa Public-Private Partnership o PPP scheme.
Lakip sa mga airport nga target i-privatize mao ang Iloilo, Bacolod, Davao, Laguindingan, Bohol-Panglao, Kalibo, Puerto Princesa, Siargao ug Busuanga, apil ang General Santos International Airport .
Gibutyag ni Gavina nga tinguha sa maong inisyatibo nga mapaayo ang operasyon, serbisyo, ug pasilidad sa mga airport pinaagi sa partisipasyon sa mga pribadong kompanya nga adunay kapasidad aron mapalambo ang mga operasyon sa airports.
Gani, sa General Santos, positibo ang panan-aw sa lokal nga liderato sa maong plano, ilabi na sa aspeto sa pagdani og dugang nga mga turista ug negosyo sa rehiyon.
