GENSAN – Sugod karong adlawa, Hunyo 16, 2025, maningil na og parking fee ang General Santos City Airport, sumala sa mandato sa Civil Aviation Authority of the Philippines (CAAP) ilawom sa CAAP Memorandum Circular No. 019–2025.
Matod ni Joel Gavina, airport manager sa Gensan Airport, ang pagpaningil gibase sa Republic Act 9497, nga nagtugot sa CAAP sa pag-regulate sa paggamit sa airport facilities, lakip na ang parking area.
Base sa bag-ong schedule sa bayad: Bus – P100 sa unang duha ka oras, Kotse – P50, Motorsiklo – P25,
Human sa unang duha ka oras, kini ang sunod nga rate kada oras: Bus – P50, Kotse – P25, Motorsiklo – P15 . Ang tanang bayad lakip na ang VAT, ug i-isyu ang resibo sa matag transaksyon, pasalig pa ni Gavina.
Gipahimangnoan sa CAAP ang tanang motorista nga mosulod ug moparking sa airport nga musunod sa bagong palisiya aron malikayan ang kalibog ug kasamok .
